دبئی (اسپورٹس ڈیسک) پاکستان انڈر 19 کرکٹ ٹیم کے 6 کھلاڑیو ں نے آئی سی سی اکیڈمی میں ٹریننگ سیشن میں حصہ لیا ۔کھلاڑیوں میں کپتان سعد بیگ، فہام الحق، عمر زیب، فرحان یوسف، نوید احمد اور ہارون ارشد شامل ہیں۔ دبئی میں انڈر 19 ٹرائنگولر ٹورنامنٹ میں پاکستان میزبان یو اے ای کے خلاف اپنا آخری میچ آج کھیلے گا۔ون ڈے میچ مقامی وقت کے مطابق صبح ساڑھے 9 بجے شروع ہوگا۔ ٹورنامنٹ میں پاکستان انڈر 19 ٹیم نے ابتک 3 میچز کھیلے ۔پاکستان انڈر ٹیم نے ٹورنامنٹ کے افتتاحی میچ میں یو اے ای کو 10 وکٹوں سے شکست دی تھی۔ اس کے بعد افغانستان کو پاکستان ٹیم نے 13 رنز سے شکست دی تھی جبکہ اس سے قبل دوسرے میچ میں اسے افغانستان سے شکست کا سامنا رہا تھا۔
