راولپنڈی (اسپورٹس ڈیسک)پاکستان شاہینز سری لنکا اے کے خلاف 4 روزہ میچ کے تیسرے دن اپنی پہلی اننگز میں 287 رنز بنا کر آئوٹ ہو گئی اور اسے 23 رنز خسارے کا سامنا کرنا پڑا، احمد صفی عبداللہ 39 رنز بنا کر نمایاں رہے ، ونوجا ساہن نے 5 وکٹیں حاصل کیں ، سری لنکا اے نے کھیل کے اختتام پر اپنی دوسری اننگز میں 4 وکٹوں کے نقصان پر 157 رنز بناکر 180رنز کی مجموعی برتری حاصل کر لی ، پون رتھنائیکے 64 اور سونال دنوشا 51 رنز کے ساتھ وکٹ پر موجود ہیں ، احمد بشیر نے 2 وکٹیں حاصل کیں ، راولپنڈی کرکٹ اسٹیڈیم میں میچ کے تیسرے روز پاکستان شاہینز نے 212 رنز 5 کھلاڑی آئوٹ پر اننگز دوبارہ شروع کی تو باقی ماندہ کھلاڑی مجموعی اسکور میں 75 رنز کا اضافہ کر سکے۔
