کراچی (پ ر)کراچی واٹر اینڈ سیوریج بورڈ لانڈھی ٹائون کے نئے تعنیات ہونے والے ایکسیئن سیوریج محمد شوکت سے جماعت اسلامی کے یوسی تین کے چیئرمین نادر علی خان لودھی نے ملاقات کی اور یوسی تھری میں سیوریج کے مسائل اور پریشانیوں سے انہیں آگاہ کیا۔ اس موقع پر جنرل کونسلر سید حارث احمد بھی ان کے ہمراہ موجود تھے۔ نادر علی خان لودھی نے کہا کہ یوسی تھری میں مین ہولز اور لائنوں کی صفائی کیلیے وینچنگ کی ضرورت ہے اور کھلے مین ہولز کیلیے فوری طور پر گھیرے اور ڈھکن کی ضرورت ہے۔ ماہ سرما کی شدت سے قبل مین ہولز کی صفائی کی جائے اور یوسیز میں کنڈی مینوں کی تعداد میں اضافہ کیا جائے۔لانڈھی ٹائون میں تعینات کیے گئے ایکسیئن سیوریج محمد شوکت نے یوسی چیئرمین نادر علی خان لودھی کو اپنے ہرممکن تعاون کی یقین دہانی کروائی اور کہا کہ ان کی تمام شکایات کو جلد دور کیا جائے گا اور تمام مسائل حل کیے جائیں گے ۔
