کوئٹہ(نمائندہ جسارت)بلوچستان کے علاقے چمن میں مختلف مقامات پر لیویز کے چھاپے مغوی خاتون بازیاب ، پانچ ملزمان گرفتار بڑی مقدار میں منشیات برآمد کر لی ہے۔ڈی سی چمن حبیب احمد بنگلزئی کے مطابق خاتون کو گزشتہ روز چمن سے کوئٹہ آتے ہوئے نقاب پوش اغوا کار گاڑی سے اتار کر اپنے ساتھ لے گئے۔ اطلاع ملنے پر کیو آر ایف اور انٹیلی جنس یونٹ لیویز فورس نے مختلف مقامات پر ناک لگا کر کوئٹہ آنے والی گاڑیوں کی جامع تلاشی شروع کی اور دو گھنٹوں کے اندر مغوی خاتون کو بازیاب کروا کر دو اغواکاروں کو گرفتار کر لیا ،اغوا کاروں نے لیویز کی وردی میں خاتون کو اغوا کیا تھا ، گرفتار اغوا کاروں کی نشاندہی پر لیویز نے مختلف علاقوں میں چھاپے مار کر مزید3 ملزمان کو حراست میں لیا اور ان سے 5 کلو منشیات برآمد کر لی گرفتار ملزمان نے انکشاف کیا کہ وہ ایک لیویز اہلکار کے ساتھ مل کر منشیات کی اسمگلنگ کرتے رہے ہیں اور گزشتہ روز بھی خاتون کے اغوا کی آڑ میں ظاہر نامی شخص کو ادائیگی کیے بغیر منشیات اسمگل کرنا چاہتے تھے
