لاڑکانہ (نمائندہ جسارت) پولیس کی نیو بس ٹرمینل، اللہ آباد اور بازیگر پل والے علاقوں میں کارروائیاں، 2 مطلوب سمیت 3 ملزمان گرفتار، چرس برآمد، تینوں ملزمان کے خلاف پولیس مدعیت میں الگ الگ مقدمات درج۔ تھانہ ولید کی حدود نیو بس ٹرمینل والے علاقے میں کامیاب کارروائی کرتے ہوئے پولیس نے مطلوب ملزم عمران جونیجو کو 2 کلو (2000) چرس سمیت گرفتار کر کے مقدمہ درج کرلیا، تھانہ رحمتپور کی حدود بازیگر پل والے علاقے سے ڈکیتی کیس میں ملوث و مطلوب ملزم عرفان کمبھر کو آدھا کلو سے زائد (600) گرام چرس سمیت گرفتار کر کے مقدمہ درج کرلیا، اللہ آباد پولیس نے ٹیمپرری ریزیڈنس ایکٹ کی خلاف ورزیوں پر مقدمات درج کرکے ملزم سراج جتوئی کو گرفتار کرلیا۔
