انٹر کالجز تھرو بال ٹورنامنٹ، سٹی گرلز کالج گلبہار پشاور کی ٹیم نے فائنل جیت لیا

پشاو(اسپورٹس ڈیسک)ڈائریکٹوریٹ آف ہائیر ایجوکیشن خیبر پختونخوا کے زیرانتظام انٹر کالجز تھرو بال ٹورنامنٹ میں سٹی گرلز کالج گلبہار پشاور کی ٹیم نے فائنل میچ جیت کر ٹرافی اپنے نام کرلی۔ فائنل میچ میں گلبہار کالج نے باچاخان گرلز کالج کی ٹیم کو 1-3 سے شکست دیکر ڈائریکٹوریٹ آف ہائیر ایجوکیشن 25-2024 ٹورنامنٹ جیت لیا۔ ٹورنامنٹ میں باچاخان گرلز کالج نے دوسری اور فرنٹیئر ویمن کالج نے تیسری پوزیشن حاصل کرلی۔ ٹورنامنٹ میں 12مختلف کالجز کی ٹیموں نے حصہ لیا۔ سٹی گرلز کالج کی کامیابی پر کالج پرنسپل پروفیسر رابعہ سکندر اور ڈائریکٹریس سپورٹس نجمہ قاضی نے ٹیم کے کھلاڑیوں اور ٹیم مینجمنٹ کو مبارکباد دی۔