کراچی (اسپورٹس رپورٹر)دوسری کھیلو پاکستان انٹر اسکولز آرچری چیمپئن شپ کل سے پاکستان اسپورٹس بورڈ کراچی سینٹر پر منعقدکی جائے گی،جس میں 500سے زائد تیر انداز شرکت کریں گے۔اپنی نوعیت کی اس منفرد،چیمپئن شپ کے شایان شان انداز میں انعقاد کے لئے تیاریاں مکمل کر لی گئی ہیں۔یہ بات کوالٹی آرچری یوتھ ڈیولپمنٹ اینڈ ویلفیئر ایسوسی ایشن کے سیکریٹری جنرل حسان عبداللہ نے میڈیا بریفنگ میں بتائی۔کوالٹی آرچری یوتھ ڈیولپمنٹ اینڈ ویلفیئر ایسوسی ایشن کے تحت کل سے17نومبر تک شیڈول اس چیمپئن شپ میں کراچی کے معروف اسکولز،کالجز اور یونیورسٹیز کے بوائز اور گرلز آرچرز شرکت کریں گے۔چیمپئن شپ کے دیگر اشتراک میں اسپورٹس فار آل ایسوسی ایشن بھی شامل ہے۔
