کراچی (اسپورٹس رپورٹر) آئی سی سی کرکٹ اکیڈمی گرائونڈ میں کھیلے گے پہلے میچ پاکستان کی انڈر 19 ٹیم نے یو اے ای کی ٹیم کو 10 وکٹوں سے ہرا دیا۔ پاکستان انڈر 19 نے ٹاس جیت کر یواے ای کی ٹیم کو پہلے کھیلنے کی دعوت دی۔ یو ای اے کی ٹیم 49.3 اوورز میں 191 رنز بنا کر آئوٹ ہوگئی ، یو اے ای کی اودیش سوری نے40 رنز کی اننگز کھیلی۔ پاکستان انڈر 19 کی طرف سے عبد السبحان نے2 وکٹیں حاصل کیں۔ پاکستان انڈر 19 کی طرف سے دونوں اوپنرز نے شاندار کھیل پیش کیا ، شازیب خان نے 109 جبکہ عثمان خان نے77 رنز کی اننگز کھیلی۔شازیب خان کو شاندار اننگز کھیلنے پر پلیئر آف دی میچ کا ایوارڈ دیا گیا۔ 3ملکی سیریز کا دوسرا میچ کل پاکستان اور افغانستان کے درمیان کھیلا جائے گا۔
