دھابیجی: کراچی کو پانی فراہم کرنے والی مرکزی لائن پھٹ گئی

دھابیجی (نمائندہ جسارت) دھابیجی پمپنگ اسٹیشن پر بجلی کی آنکھ مچولی، کراچی کو پانی فراہم کرنے والی مرکزی لائن پھٹ گئی۔ کراچی واٹر بورڈ کارپوریشن کے دھابیجی پمپنگ اسٹیشن پر بجلی کی آنکھ مچولی کے باعث کراچی کو پانی فراہم کرنے والی 72 انچ کی مرکزی پائپ لائن نمبر 5 پانی کے بیک پریشر کے باعث دھماکے سے پھٹ گئی، جس کے نتیجے میں لاکھوں گیلن پانی ضائع ہونے سے بڑا علاقہ زیرآب آگیا۔ اطلاع ملنے پر واٹر بورڈ کارپوریشن کے سپرنٹنڈنٹ انجینئر اقبال پلیجو اور گھارو ڈویژن سول کے ایگزیکٹو انجینئر محمد علی پلیجو نے عملے کے ہمراہ موقع پر پہنچ کر متاثرہ لائن کی مرمت کا کام ہنگامی بنیاد پر شروع کر دیا۔