راولپنڈی:شمالی وزیرستان کے علاقے اسپن وام میں سکیورٹی فورسز نے دہشت گردوں کے خلاف آپریشن کرتے ہوئے 6 خوارجیوں کو ہلاک اور 6 کو زخمی کردیا۔
پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے خفیہ انٹیلی جنس کی اطلاع پر دہشت گردوں کے خلاف کارروائی کی، جہاں سے بڑی مقدار میں اسلحہ اور گولہ بارود برآمد ہوا۔
آئی ایس پی آر نے کہاکہ ہلاک ہونے والے دہشتگرد مختلف تخریب کاری کے حملوں اور معصوم شہریوں کے قتل میں ملوث تھے، مزید دہشت گردوں کے خلاف آپریشن جاری ہے۔
انہوں نے مزید کہاکہ پاکستان کی سکیورٹی فورسز ملک سے دہشت گردی کے ناسور کو جڑ سے اکھاڑنے کے لئے پرعزم ہیں، پاک فوج کے جوان ملک کی سلامتی کے لیے ہر وقت دشمنوں کو نست ونابو د کرنے کے لیے تیار ہوتے ہیں۔
