ساہیوال (اسپورٹس ڈیسک):وزیر اعلی پنجاب کی ہدایت پر ا سپورٹس ڈیپارٹمنٹ ساہیوال کے زیر اہتمام کھیلتا پنجاب گیمز کے سلسلے میں ساہیوال میں فٹ بال کی 18 بہترین ٹیموں کے درمیان کانٹے دار مقابلے جاری ہیں اور روزانہ کی بنیاد پر میچز کا انعقاد ہو رہا ہے۔اس سلسلے میں ایگلز فٹ بال گرائونڈ ساہیوال میں پہلا میچ ینگ بلڈفٹبال کلب بمقابلہ وصلی فٹ بال کلب ساہیوال ہوا جو ینگ بلڈ فٹبال کلب نے 1-0سے جیتا۔ دوسرا فٹ بال میچ زمیندارا فٹ بال کلب بمقابلہ ینگ فارمر فٹبال کلب منعقد ہوا جو زمیندارا فٹ بال کلب نے 2-1 سے جیت لیا۔فٹ بال میچز کے مہمان خصوصی ایڈ منسٹریٹر نیشنل ہا کی ا سٹیڈیم لاہور، سپروائزر ڈی جی ا سپورٹس مانیڑنگ ٹیم ساہیوال ڈویژن کھیلتا پنجاب گیمز عبد القیوم تھے جبکہ ڈسٹرکٹ ا سپورٹس آفیسر مہر عامر رشید بھی موجود تھے۔ اسی طرح بیڈ منٹن کے ناک آئوٹ میچز میں پہلا سیمی فا ئنل میچ گوشالا ہائی اسکول بیڈمنٹن کلب بمقابلہ بیڈ منٹن کلب 45/12-L چیچہ وطنی کے درمیان ہوا جسے بیڈ منٹن کلب 45/12-L چیچہ وطنی نے جیتا اور فائنل میں اپنی جگہ بنائی۔ دوسرا سیمی فائنل میچ فرید ٹان کالج بیڈ منٹن کلب بمقابلہ فرید بیڈ منٹن کلب کے درمیان ہوا جوکہ فرید ٹان کالج بیڈ منٹن کلب نے جیت لیا۔ اس گیم کا آخری اور فائنل میچ فرید ٹان کالج بیڈ منٹن کلب بمقابلہ بیڈ منٹن کلب 45/12-L چیچہ وطنی کے درمیان ہوا جوکہ بیڈ منٹن کلب 45/12-L چیچہ وطنی نے باآسانی جیت لیا ۔
