کراچی(اسپورٹس رپورٹر) اسلامی جمعیت طلبہ نے وفاقی اردو یونیورسٹی، عبدالحق کیمپس، کے ایم سی گرائونڈ میں اسپورٹس ویک کا انعقاد کیا۔ اسپورٹس ویک کا افتتاح عبدالحق کیمپس کے انچارج ڈاکٹر شاہد کی قیادت میں ہوا اور اس میں ڈاکٹر کمال حیدر،ناظمِ زون (جنوبی) محمد حمزہ رمضان، ناظم جامعہ شہریار خان شریک تھے ۔بین الاقوامی تعلقات سماجی بہبود کے صدر شعبہ اور مختلف شعبہ جات کے اساتذہ کرام نے شرکت کی اور جمیعت کی اس سرگرمی کو خوب سراہا۔ترجمان اسلامی جمعیت طلبہ عبدالحق کے مطابق اسپورٹس ویک میں مختلف قسم کے مسابقتی کھیل اور تفریحی سرگرمیاں شامل ہیں، جو طلبا کو اپنی صلاحیتوں کو ظاہر کرنے اور ایک مثبت پلیٹ فارم فراہم کرتی ہیں۔ اسپورٹس ویک کا اختتام گزشتہ روز شرکا اور فاتحین کے اعزاز میں تقریب کے ساتھ ہوگیا۔
