ایڈیلیڈ(اسپورٹس ڈیسک )قومی کرکٹ ٹیم کے کھلاڑیوں نے ہیڈ کوچ جیسن گلیسپی کی اکیڈمی کا دورہ کیا جہاں انہوں نے سہولیات کا جائزہ لیا۔ ایڈیلیڈ میں قومی ٹیم کے کھلاڑیوں نے جیسن گلیسپی کے ہمراہ ان کی اکیڈمی میں وقت گزارا اور وہاں پر موجود ٹریننگ سینٹر کا جائزہ لیا۔پاکستانی کھلاڑیوں نے وہاں پر دستیاب بولنگ مشینز سمیت سہولتوں کی تعریف کی اور اکیڈمی کی دکان سے کرکٹ کا سامان بھی خریدا۔کھلاڑیوں میں صائم ایوب، عبداللہ شفیق، سلمان علی آغا، عامر جمال اور عرفات منہاس شامل تھے۔علاوہ ازیں پاکستان کرکٹ ٹیم کے کھلاڑیوں نے ایڈیلیڈ میں ٹریننگ سیشن بھی کیا جہاں نیٹ پر بیٹنگ اور بولنگ کی بھرپورپریکٹس کی گئی، کھلاڑیوں نے فزیکل اور فیلڈنگ ڈرلز میں بھی حصہ لیا۔
