دادو (نمائندہ جسارت) عوامی فورم کے اعلان پر تاریخی شہر خداآباد میں انڈس ہائی وے سے خداآباد جامع مسجد تک احتجاجی ریلی نکالی گئی۔ ریلی کی قیادت نوجوان تاج محمد پنہور کے والد وریام سندھی، ایم ابراہیم بھنڈ، حافظ غلام محمد چنہ و دیگر نے کی۔ اس موقع پر مظاہرین نے کہا کہ نوجوان شاگرد کو حیدرآباد سے اُٹھایا گیا جب وہ مقابلے کے امتحان دینے جارہا تھا، نوجوان کا خاندان اذیت ناک صورتحال سے دوچار ہے، ان کی والدہ کو بے ہوشی کے دورے پڑ رہے ہیں۔ مظاہرین نے چیف جسٹس پاکستان، سندھ ہائی کورٹ کے چیف جسٹس، آئی جی سندھ و دیگر حکام سے نوجوان کی بازیابی کے لیے مطالبہ کیا ہے۔
