کندھکوٹ (نمائندہ جسارت) گڈو تھانے کی حدود انڈس ہائی وے دیرا موڑ کے قریب تیز رفتار کار اور موٹر سائیکل میں خوفناک ٹکر کے نتیجے میں موٹر سائیکل سوار پولیس اہلکار انور علی کھوسہ شدید زخمی ہوا، جسے علاج کے لیے تحصیل اسپتال کشمور منتقل کیا گیا، تاہم زخمی اہلکار زخموں کے تاب نہ لاتے ہوئے راستے ہی میں جاں بحق ہو گیا۔ ضروری قانونی کارروائی کے بعد لاش ورثاء کے حوالے کر دی گئی، غسل، کفن اور نمازِ جنازہ کے بعد مرحوم کو آبائی قبرستان میں سپردِ خاک کیا گیا۔ رابطہ کرنے پر گڈو تھانہ کے ہیڈ محرر سکھیو خان ملک نے بتایا کہ ڈرائیور بلاول سومرو کو گرفتار کر کے لاک اپ کردیا اور کار اپنی تحویل میں لے کر تھانے میں بند کر دی۔ ان کا کہنا تھا کہ تاحال مقدمہ درج نہیں کیا، ورثاء کے آنے پر مقدمہ درج کیا جائے گا۔
