کراچی( اسٹاف رپورٹر) کراچی پولیس نے شہر کے مختلف علاقوں میں کومبنگ آپر یشن اور چھا پوں کے دوران 40ملزمان کو گرفتار کر لیا ، ملزمان کے قبضے سے اسلحہ ،منشیات ، گٹکا ماوا، نقدی ، موبائل ،موٹر سائیکل اور مسروقہ سامان برآمد کرلیا ۔ تفصیلات کے مطابق ایس ایس پی کیماڑی کیپٹن ریٹائرڈ فیضان علی کی نگرانی میں ایس ایچ او ڈاکس نفیس الرحمان اور ایس ایچ او جیکسن سمیت پولیس کی بھاری نفری نے مچھر کالونی میں سرچ اور کومبنگ آپریشن کیا۔کومبنگ آپریشن کے دوران منشیات فروشوں۔اسٹریٹ کرمنلز سمیت عارضی رہائشیوں کی چھان بین کی گئی۔پولیس نے دوران آپریشن ایک بدنام زمانہ لیڈی منشیات فروش ملزمہ بیبی اختر زوجہ ممتاز السلام کو گرفتار کر کے اسکے قبضے سے1090 گرام اعلی کوالٹی کی چرس برآمد کرلی۔
