نئی دہلی(اسپورٹس ڈیسک)سابق بھارتی کپتان سنیل گواسکر نے نیوزی لینڈ کے ہاتھوں ہوم گرائونڈ پر وائٹ واش شکست پر بھارتی کرکٹ ٹیم پر تنقید کرتے ہوئے کہا ہے کہ بھارت کی شکست کی وجہ بلے بازوں کا مکمل فلاپ ہونا ہے ۔ ا انٹرویو میں سنیل گواسکر کاکہناتھا کہ بھارتی بلے بازوں کو بالکل پتہ نہیں چلا کہ تکنیکی لحاظ سے ٹرننگ پچ پر کیسے کھیلنا ہے، بلے بازوں میں ٹیمپرامنٹ کی کمی نظر آئی، ایسی پچز پر جلد بازی کی ضرورت نہیں ہوتی۔سابق کپتان کاکہناتھا کہ نیوزی لینڈ سے ہوم سیریز میں3-0 سے شکست ایک نئی پستی ہے، بھارتی ٹیم کچھ سال سے ہوم گرائونڈ پر شاندار کھیلتی رہی ہے،انگلینڈ اور آسٹریلیا کیخلاف سیریز میں کم بیک کرتے ہوئے سیریز میں کامیابی حاصل کی، نیوزی لینڈ کیخلاف نتیجہ غیرمتوقع رہا،ان کاکہناتھا کہ انگلینڈ اور آسٹریلیا سے تو توقع کی جا سکتی تھی کیونکہ ان کے پاس پلیئرز ایسے تھے،نیوزی لینڈ کی ٹیم بھارت سے اچھا کھیلے گی اور حیران کرے گی اس کی توقع نہیں تھی،انہوں نے کہاکہ آسٹریلیا کے خلاف ٹیسٹ سیریز بھارتی ٹیم کے مستقبل کا فیصلہ کرے گی۔
