محراب پور(جسارت نیوز)آتشزدگی کا واقعہ، ٹریکٹر ٹرالی میں آگ لگ گئی، ٹریکٹر محفوظ، ٹرالی سامان سمیت جل گئی، واقعہ محراب پور پولیس تھانہ کی حدود میںمحراب پور کوٹری کبیر رابطہ سڑک (لنک روڈ) پر مہران شادی ہال کے پاس پیش آیا جہاں دھان فصل کا کچرا (پرال) لیکر جانے والے ٹریکٹر ٹرالی میں اچانک سے آگ لگ گئی۔ڈرائیور نے ہوشیاری سے ٹریکٹر کو ٹرالی سے آزاد کرکے اسے جلنے سے بچا لیا اور لوگوں نے شادی ہال سے پانی بھر بھر آگ بجھانے کی کوشش کی تاہم ٹرالی دھان کے کچرے (پرال) سمیت جل گئی، ڈرائیور کے مطابق ٹریکٹر سلنسر سے نکلنے والی چنگاری سے ٹرالی میں بھرے ہوئے دھان کے کچرے (پرال) میں آگ لگی ہے۔
