کراچی (اسٹاف رپورٹر) جمشید ٹائون سولجر بازار میں تجاوزات کیخلاف بھرپور آپریشن تفصیلات کے مطابق مئیر کراچی مرتضیٰ وہاب ، ڈپٹی مئیر سلمان عبداللہ مراد ، میونسپل کمشنر افضل زیدی کی ہدایت پر سینئر ڈائریکٹر لینڈ عمار احمد خان کی زیر نگرانی ڈپٹی ڈائریکٹر امین لاکھانی نے ایس ایچ او رب نواز عملے اور بھاری نفری کے ہمراہ سولجر بازار میں مندر کے اطراف اور مین شاہراہ پر تجاوزات کیخلاف بھرپور کارروائی کی غیر قانونی تعمیر کی گئی بائونڈری وال دیواریں و دیگر تعمیرات مسمار کردیں اور ٹھیلے اور پتھارے ضبط کرکے کے ایم سی اسٹور میں جمع کرادئیے مین روڈ ،سروس روڈ اور فٹ پاتھ کو کلیئر کردیا گیا ،سینئر ڈائریکٹر لینڈ عمار احمد خان نے متعلقہ افسران کو ہدایت کی ہے کراچی میں تجاوزات کیخلاف آپریشن مزید وسیع کیا جائے مین روڈ ،سروس روڈ اور فٹ پاتھوں کو ہر ممکن طور پر کلئیر رکھا جائے اور جہاں بھی انکروچمنٹ کیخلاف آپریشن ہو وہاں تجاوزات کی روک تھام کے لیے مانیٹرنگ سسٹم کو فعال بنایا جائے ۔
