شمالی کوریا نے ایک بار پھر بیلسٹک میزائل کا تجربہ کر ڈالا

سیول (انٹرنیشنل ڈیسک) شمالی کوریا نے ایک بار پھر بیلسٹک میزائل کا تجربہ کر ڈالا۔ جنوبی کوریا کی جوائنٹ چیف آف سٹاف نے شمالی کوریا کے میزائل داغنے کے بارے میں تحریری بیان جاری کیا ،جس میں کہا گیا کہ شمالی کوریا نے جزیرہ نما کے مشرقی ساحل پر ایک نامعلوم بیلسٹک میزائل داغا۔ ادھر جاپانی فوج نے شمالی کوریا کی فائرنگ کی تصدیق کرتے ہوئے کہا کہ بیلسٹک میزائل سمجھا جانے والا میزائل جاپان کے خصوصی معاشی زون سے باہر گرا ہے۔ واضح رہے کہ جزیرہ نما کوریا میں فوجی مشقوں اور میزائل تجربات کے ذریعے کشیدگی بڑھتی جا رہی ہے۔