سعودی عرب کے ریاض شہر میں مجلس پاکستان یوتھ فورم ریاض کے زیر اہتمام آج کا پاکستان پرعزم نوجوان کے عنوان سے پروقار سیمینار کا انعقاد کیا گیا جس میں پاکستانی کمیونٹی کے افراد نے بھر پور شرکت کی تقریب کا باقاعدہ آغاز تلاوت قرآن مجید فرقان حمید سے کیا گیا ریاض سے عابد شمعون چاند کے مطابق تقریب سے خطاب کرتے ہوئے مہمان خصوصی پاکستان کے معروف موٹیوشنل سپیکر نجیب حنفی کا کہنا تھا کہ آج کے نوجوان پاکستان کا قیمتی اثاثہ ہیں ان کی تخلیقی صلاحیتں ، عزم ، اور ہمت کو بروئے کار لا کر ملک کو تعمیر وترقی کی راہ پر گامزن کیا جا سکتا ہے ملک کے در پیش چیلنجوں سے نمٹنے کیلئے نوجوان نسل کی آراء سے بہت معاونت مل سکتی ہے مہمان خصوصی کا مزید کہنا تھا کہ ہمیشہ نوجوان سے ہی قوموں کی تقدیریں بدلی ہیں جو وثوق سے کہتا ہوں کہ جماعت اسلامی سے بڑھکر آپ کو کوئی جماعت ایسی نہیں ملے گی جو نوجوانوں کی کردار سازی اور ملک کی تعمیر و ترقی میں بہترین کردار ادا کر سکے تقریب سے خطاب کرتے ہوئے یوتھ فورم کے صدر محمد ابراہیم جٹ نے کہا کہ یوتھ فورم ریاض ہر طرح کی سرگرمیوں میں بھرپور کردار ادا کر رہی ہے ان سب سرگرمیوں کا مقصد نوجوانوں کو تعمیری کردار ادا کرنے میں معاونت دینا ہے دیار غیر میں بسنے والے نوجوانوں کو ایسا پلیٹ فارم مہیا کیا ہے جس میں وہ اپنی صلاحیتوں کے ذریعے اپنی پہچان پیدا کر سکیں اپنے ملک اور قوم کے لیے کردار ادا کر سکیں تقریب سے خطاب کرتے ہوئے فورم کے نائب صدر ملک ریاض شاکر اور جنرل سیکرٹری سلیمان بخش نے اپنے خطابات میں کہا کہ آج کی نوجوان نسل کو اپنے اندر قیادت کے اوصاف پیدا کرنے کی اشد ضرورت ہے نوجوانوں کو عصر حاضر کے چیلنجز کا سامنا کرنے اور ملک کے مستقبل کو تابناک بنانے کیلئے خود کو جدید علوم سے آراستہ کرنا ہوگا تقریب سے ڈاکٹر شعیب بدر ، توصیف احمد، معاذ بن فضل ، بلال حنیف ، بلال خان ۔مجید خان اور دیگر نے بھی خیالات کا اظہار کرتے ہوئے مجلس پاکستان یوتھ فورم کی کاوشوں کو سراہتے ہوئے کہا کہ آج کے نوجوان ہی اپنے عزم ایمان اور ہمت محنت کے ساتھ پاکستان کو کامیابی کی راہ پر گامزن کر سکتے ہیں !!!
