میرپورخاص (نمائندہ جسارت) پریس کلب کے زیر اہتمام منعقد کیے گئے دوسرا دوست علی بھٹی مرحوم نائٹ کرکٹ ٹورنامنٹ اختتام پذیر ہو گیا۔ میئر میونسپل کارپوریشن عبدالرئوف غوری نے مہمان خاص کے طور پر شرکت کی۔ اس موقع پر صدر نذیر پنہور، جنرل سیکرٹری عاطف بلوچ، سینئر صحافی شوکت پنہور، واحد پہلوانی، یوسی چیئرمین اقبال پنہور، رزاق ہاشمانی، وائس چیئرمین دانش آرائیں، سرجن ڈاکٹر لیکراج راٹھور، ڈسٹرکٹ کرکٹ ایسوسی ایشن کے صدر نعیم غوری ٹورنامنٹ آرگنائزر علی جان بھٹی، ناصر بلوچ اور شائقین کی بڑی تعداد نے شرکت کی، فائنل میچ سے قبل مہمان خاص کا دونوں ٹیموں سے تعارف کروایا گیا، ٹورنامنٹ کا فائنل میچ صوفی ڈینٹل جامشورو اور دوست علی بھٹی مرحوم ٹنڈوالہیار کی ٹیموں کے درمیان کھیلا گیا، ٹنڈوالہیار کی ٹیم نے ٹاس جیت کر پہلے بیٹنگ کرتے ہوئے مقررہ اوورز میں 171 رنز بنائے، قاری حمید اللہ نے 52 اور زین پٹھان نے 45 رنز بنائے، جواب میں صوفی ڈینٹل جامشورو کی ٹیم نے ہدف باآسانی 9 وکٹوں سے حاصل کر لیا، مختار چاچڑ نے 99 اور شعبان سہتو نے 48 رنز بنائے، ٹورنامنٹ آرگنائزر کی جانب سے فائنل میچ جیتنے والی ٹیم کو ایک لاکھ روپے نقد اور ٹرافی جبکہ رنر ٹیم کو 50 ہزار نقد اور ٹرافی دی گئی، جبکہ ٹورنامنٹ آرگنائزنگ کمیٹی کو بھی نقد انعامات اور شیلڈز دی گئیں۔
