سکھر (نمائندہ جسارت) ایس ایس پی امجد احمد شیخ کی جانب سے ضلعی پولیس میں بہترین کارکردگی دکھانے والے انسپکٹر اقبال ڈومکی کے ریٹائر ہونے پر ایس ایس پی آفس میں سادہ پروقار الوداعی تقریب منعقد کی گئی۔ تقریب میں سب ڈویژن ایس ڈی پی او سٹی، ایس ڈی پی او سائٹ، ہیڈ کلرک، ڈی آئی بی انچارج، ریڈر، شیٹ کلارک اور سٹی سب ڈویژن کے تمام ایس ایچ او اور آفس اسٹاف نے شرکت کی۔ ایس ایس پی نے ریٹائر ہونے والے انسپکٹر اقبال ڈومکی کی خدمات اور نمایاں کارکردگی کو سراہا۔ الوداعی تقریب کے موقع پر ایس ایس پی نے انسپکٹر اقبال ڈومکی کو اجرک، سندھی ٹوپی اور یادگاری شیلڈ پیش کی اور بوسکی پگ پہنائی، جبکہ سب ڈویژن کے ایس ایچ اوز اور دیگر آفس اسٹاف نے ہار پہنائے اور نیک خواہشات کے ساتھ رُخصت کیا۔
