کراچی ( اسٹاف رپورٹر )شہر کے مختلف علاقوں میں حادثات وواقعات میں بچے سمیت 6افراد جاںبحق ہوگئے دیگر واقعات میں 7افراد زخمی ہوئے واقعات میں ملوث 2ملزم کو بھی گرفتار کر کے اسلحہ اور چھری برآمد کرلی گئی ۔ تفصیلات کے مطابق عزیز بھٹی تھانے کی حدود گلشن اقبال بلاک 10 رحمانیہ مسجد کے قریب گھر سے تشدد زدہ 55سالہ فیصل زیدی ولد اظہارالحسن زیدی کی لاش ملی ، نیو سبزی منڈی چاکر ہوٹل کے قریب تیز رفتار گاڑی کی ٹکر سے راہگیر بچہ 11سالہ شمس اللہ ولد شیر غنی جاں بحق ہوگیا ۔ڈاکس تھانے کی حدود شپ یارڈکے قریب سمندر سے 40سالہ شخص کی کئی روز پرانی ڈوبی ہوئی لاش ملی ،متوفی کی لاش کو متعلقہ تھانے سے ضابطہ کی کارروائی کے بعد ایدھی ہوم سہراب گوٹھ سرد خانے منتقل کر دیا گیا تاحال متوفی کی شناخت نہ ہوسکی ۔پاک کالونی تھانے کی حدود پرانا گولیمار ریکسر ڈبل PMT والی گلی سے35سالہ شخص کی لاش ملی، جیکسن کے علاقے ٹاور الرحمن کچن کے سامنے صدیق اکبر مسجد کے قریب سے65سالہ شخص کی لاش ملی، متوفی کی لاش کو متعلقہ تھانے سے ضابطہ کی کارروائی کے بعد ایدھی ہوم سہراب گوٹھ سرد خانے منتقل کر دیا گیا۔ حب ندی پل قریب ندی سے 40سالہ شخص کی ڈوبی ہوئی لاش ملی۔
