اکتوبر میں کراچی کی تاریخ کی گرم ترین راتیں ریکارڈ

کراچی (اسٹاف رپورٹر) کراچی کی رواں سال اکتوبر کی راتیں شہر کی موسمیاتی تاریخ کی گرم ترین راتیں رہیں۔ اکتوبر میں شہر قائد کے کم سے کم اوسط درجہ حرارت کا57 سالہ ریکارڈ بھی ٹوٹ گیا۔ محکمہ موسمیات کے مطابق کراچی میں1967ء میں کم سے کم اوسط درجہ حرارت30.6 ڈگری ریکارڈ ہوا تھا۔ گزشتہ ماہ شہر کا کم سے کم اوسط درجہ حرارت30.9 ڈگری رہا۔ محکمہ موسمیات نے بتایا ہے کہ یہاں57 سال بعد کم سے کم اوسط درجہ حرارت0.3ڈگری زائد رہا۔ شہرِ قائد کے رات کے کم سے کم درجہ حرارت کا1 سال کا ریکارڈ بھی ٹوٹ گیا۔ رواں سال اکتوبر میں رات کا درجہ حرارت26.3 ڈگری ریکارڈ ہوا جبکہ اکتوبر2023ء میں رات کا کم سے کم درجہ حرارت25.7 ڈگری ریکارڈ ہوا تھا۔ محکمہ موسمیات کے مطابق کراچی میں اس سال اکتوبر کا کم سے کم درجہ حرارت 0.6 ڈگری زائد رہا ہے۔