کراچی(اسپورٹس رپورٹر)باکسنگ ایسو سی ایشن کے زیر اہتمام محبوب گراؤنڈ لطیف آباد میں حیدر آباد ٹیلنٹ ہنٹ باکسنگ لیگ2024ء کا انعقاد کیا گیا جس میں ینگ اسٹار کلب، علی ساہ قمبرانی کلب، ممتازکلب،ریحان کلب،پیس یونائیٹڈ کلب، پاک کلب، ینگ بوائز، حیدر آباد کلب، مصری شاہ کلب اور دی فائیٹ کلب نے شرکت کی۔مہمان خصوصی ٹاؤن چیئرمین حسین آباد عمیر مولا بخش چانڈیو نے ربن کاٹ کر ٹورنامنٹ کا باقاعدہ افتتاح کیا۔اس موقع پر ان کے ہمراہ مہر علی پوڑا ڈشک، فیصل جبار چیئرمین ساہ لطیف ٹاؤن سرپرست اعلیٰ نفیس صدیقی، یوسی113 سلمان خان عثمانی پاپولی، طارق رسول، لالہ رحمان، فہیم دیس والی،ٹنڈو ادم سے سرور کمانڈو،بشیر کیریو اور دیگر معززین بھی موجود تھے۔صدر سندھ باکسنگ ایسو سی ایشن اصغر بلوچ نے تمام شریک کلبس اور مہمانوں کی آمد کا شکریہ ادا کیا خصوصی طور پر پروگرام کے سرپرست سردار عطا بلوچ کے انتظامات کو سرایا اور خصوصی مبارکباد پیش کی دیگر ڈسٹرکٹ خصوصی طور پر ٹنڈو آدم میں بھی ایسے کامیاب پروگرام کے انعقاد کا عندیہ دیا۔ اصغر بلوچ نے مزید کہا کہ ان پروگرامز کے ذریعے ہمیں مستقبل کے لئے نیا ٹیلنٹ سامنے آئے گا۔
