کراچی: محکمہ موسمیات نے شہرقائد کے موسم کے حوالے سے پیش گوئی کرتے ہوئےکہا ہےکہ کراچی میں آئندہ دو روزمزید شدید گرمی رہے گی۔
میڈیا رپورٹس کے مطابق محکمہ موسمیات نے کراچی کے موسم کے حوالے سے مزید پیش گوئی کرتے ہوئے کہا کہ کراچی کا موسم آئندہ دو روز گرم اور مرطوب رہے گا، سمندری ہوائیں بحال ہونے کے ساتھ صبح میں ہلکی دھند کا بھی امکان ہے۔
خیال رہےکہ کراچی میں گزشتہ ایک ہفتے سے کافی شدید گرمی رہنے کی وجہ سے عوام کا جینا محال ہوگیا ہے، شدید گرمی میں بھی کے الیکٹرک کی جانب سے کئی علاقوں میں لوڈ شیڈنگ کا سلسلہ جاری ہے،جس کی وجہ سے کراچی کے لوگوں کی زندگی مزید عذاب بن گئی ہے.
