سکھر (نمائندہ جسارت ) پاکستان نیوی نے سیلر A-2025 کی بھرتیوں کا اعلان کر دیا، بھرتیوں کی رجسٹریشن کی آخری تاریخ3 نومبر مقرر کی گئی ہے۔ پاکستان نیوی ریکروٹمنٹ اینڈ سلیکشن سینٹر سکھر کے جاری کردہ اعلامیے کے مطابق میٹرک پاس مرد امیدوار ٹیکنیکل، نیول پولیس سپاہی جنرل ڈیوٹی، میرین، نائب خطیب، اسٹیورڈ ، میوزیشن، ڈرائیور، سینیٹری ورکر اور پی ٹی برانچ میں ڈائریکٹ انٹری سیلر میں بھی آن لائن اپلائی کر سکتے ہیں۔ پاکستانی شہریت کے حامل خواہشمند امیدوران کو مشورہ دیا گیا ہے کہ وہ مقرر کردہ آخری تاریخ 3 نومبر 2024ء تک پاکستان نیوی کی ویب سائٹ www.joinpaknavy.gov.pk کے ذریعے آن لائن اپلائی کر سکتے ہیں۔
