اسلام آباد (آن لائن) ائر پورٹ سیکورٹی فورس (اے ایس ایف) کے عملے نے اسلام آباد اور پشاور ائر پورٹس پر کارروائیاں کرتے ہوئے مسافروں سے بالترتیب1.166 کلو گرام اور 1.210 کلو گرام آئس ہیروئن سبرآمد کر لی۔ حکام کے مطابق اسلام آباد ائرپورٹ پر دوحہ کی پرواز پر اے ایس ایف کے عملے نے مسافر شیر خان اور پشاور ائر پورٹ پر جدہ کی پرواز پر مسافر اقبال حسین کے سامان میں منشیات کی موجودگی کی نشاندہی کی۔ اسلام آباد میں مسافر نے مذکورہ منشیات ٹرالی بیگ کی اندرونی تہوں میں جبکہ پشاور میں یہ منشیات مٹھائی میں مہارت سے چھپائی گئی تھی۔ ملزمان کو ابتدائی تفتیش کے بعد مزید قانونی کارروائی کے لیے برآمد شدہ منشیات کے ساتھ اے این ایف حکام کے حوالے کردیا گیا۔
