اسلام آباد(نمائندہ خصوصی)ویلڈن ٹیم پاکستان۔چئیرمین پاکستان کرکٹ بورڈ محسن نقوی نے کھلاڑیوں سے ملاقات کی۔چئیرمین پی سی بی محسن نقوی نے انگلینڈ کے خلاف فیصلہ کن ٹیسٹ میچ اور سیریز جیتنے پر کھلاڑیوں اور مینجمنٹ کو مبارکباد دی۔ چیئرمین پی سی بی محسن نقوی نے کہا دیر آید درست آید۔۔ آپ متحد ہو کر کھیلے تو کامیابی نے قدم چومے۔شروع دن سے ہی ٹیم ورک کی ضرورت پر زور دیا اور آج نتیجہ سب کے سامنے ہے۔ تمام کھلاڑیوں اور مینجمنٹ کو مبارک دیتا ہوں۔اس جیت کی ٹیم اور قوم کو بہت ضرورت تھی۔مسائل کا اندازہ تھا۔ ایشوز حل کئے تو نتائج آپ کے سامنے ہے۔نئے کپتان کے لیے مشاورت کا عمل جاری ہے۔کپتان جو بھی ہو گا ٹیم کے لئے بہترین ہو گا۔سب نے دیکھا کہ نئے کھلاڑیوں کو موقع دینے سے نتیجہ جیت کی صورت میں آیا۔ٹیم نے فائٹ کی۔ اچھی جیت ملی اور اس ضمن میں بہت محنت کی گئی۔اچھی کارکردگی دکھانے والے کھلاڑیوں کی حوصلہ افزائی کریں گے۔ سینٹرل کنٹریکٹ کے عمل کو جلد حتمی شکل دیں گے۔آج کی فتح سے قوم بہت خوش ہے اور قوم کی خوشی آئندہ بھی برقرار رہنی چاہیے۔جیت کے تسلسل کو برقرار رکھنا ہے۔نوجوان اور تجربہ کار کھلاڑیوں دونوں کی ضرورت ہے۔کپتان شان مسعود نے چئیرمین پی سی بی محسن نقوی کو کھلاڑیوں کے دستخط والی شرٹ دی۔مینجر ٹیم نوید اکرم چیمہ نے کہا چیئرمین پی سی بی محسن نقوی نے کھلاڑیوں کی بہت حوصلہ افزائی کی۔چیئرمین پی سی بی نے ٹیم اور کھلاڑیوں کے لئے اچھے اقدامات اور فیصلے کیے۔ اور آج نتیجہ سب کے سامنے ہے۔
