سکھر (نمائندہ جسارت) ڈپٹی کمشنر کی جانب سے سکھر بیراج اور آس پاس کی سڑکوں کی بندش کا اعلان، جاری کردہ اعلامیہ کے مطابق ڈپٹی کمشنر ڈاکٹر ایم بی راجہ دھاریجو نے اعلان کیا ہے کہ سکھر بیراج کی بحالی اور جدید کاری کے ضروری کاموں کے لیے سکھر بیراج اور آس پاس کی سڑکیں آج سے 30 جون 2025 تک بند رہیں گی۔ بندش کا مقصد پل کے بنیادی ڈھانچے کو بہتر بنانا اور عوامی تحفظ کو یقینی بنانا ہے۔ اعلامیے کے مطابق متاثرہ سڑکوں میں کیمپ سی تا سکھر بیراج پل شرف آباد روڈ، سکھر بیراج روڈ سرے سے آخر تک اور بیراج میوزیم تا تھانہ چوہارہ منڈی، اولڈ نیشنل ہائی روڈ شامل ہیں۔
