اسلام آباد (مانیٹرنگ ڈیسک) بھارت میں امراوتی ڈرون سمٹ2024ء کے ایک حصے کے طور پر سب سے بڑا ڈرون شو کیا گیا، جس نے5 گنیز ورلڈ ریکارڈ کے اعزازات حاصل کرلیے۔ آندھرا پردیش میں ہزاروں ڈرون آسمان پر اڑائے گئے، جس میں قومی پرچم، لارڈ بدھا، ایک ہوائی جہاز اور خود ایک ڈرون کی شکل سمیت مختلف شکلیں بنائی گئیں۔ یہ سب سے بڑا ڈرون شو تھا، جسے امراوتی ڈرون سمٹ2024ء کے ایک حصے کے طور پر دریائے کرشنا کے کنارے پننامی گھاٹ پر منعقد کیا گیا۔ امراوتی ڈرون سمٹ کو مقامی وزیر اعلیٰ کی جانب سے وزیر اعظم نریندر مودی کے وژن کے طور پر منعقد کیا گیا، جس میں ثقافتی پروگراموں کے ساتھ شاندار5,500 ڈرون کے ساتھ ائر شو کیا گیا۔ڈرون ڈسپلے اور لیزر شو دیکھنے کے لیے دریا کے کنارے جمع ہونے والے ہزاروں زائرین کے لیے شو دیکھنے کے لیے5 مقامات بنائے گئے۔ سب سے بڑے ڈرون شو نے زمرہ جات کے تحت5 گنیز ورلڈ ریکارڈ بنائے۔ سب سے بڑے سیارے کی تشکیل، سب سے بڑی لینڈ مارک تخلیق، سب سے بڑے جہاز کی تشکیل، سب سے بڑا پرچم ڈسپلے اور فضائی لوگو ڈسپلے۔
