پی سی بی ریجنل انٹر کلب کر کٹ ،کراچی ریجن: پاکستان کرکٹ کلب فائنل میں

کراچی (اسپورٹس رپورٹر) پاکستان کرکٹ بورڈ کے زیر اہتمام منعقد کردہ پی سی بی ریجنل انٹر کلب کر کٹ ٹورنامنٹ (کراچی ریجن ) کے پہلے سیمی فائنل میں کے سی سی اے اسٹیڈیم پر پاکستان کرکٹ کلب نے دائود اسپورٹس کو 173 رنز سے شکست دے کر فائنل کھیلنے کا اعزاز حاصل کر لیا۔ پاکستان کرکٹ کلب نے پہلے بیٹنگ کرتے ہوئے 7 وکٹوں کے نقصان پر 283 رنز بنائے۔ انٹر نیشنل کرکٹر عثمان خان نے شاندار بیٹنگ کرتے ہوئے 25 چوکوں 3 چھکوں کی مد د سے 124 ، خواجہ محمد نافع نے 2 چوکوں 3 چھکوں کی مد د سے 69، رمیز عزیز نے 3 چوکوں ایک چھکے کی مدد سے 47 اور دانش عزیز نے 18 رنز بنائے۔