ٹک ٹاک نے پاکستان ٹیلی کمیونیکیشن اتھارٹی (PTA) کے ساتھ مل کر ڈیجیٹل سیفٹی آگاہی کو فروغ دینے کے لیے ایک ڈیجیٹل سیفٹی مقابلے کا آغاز کردیا ہے۔
یہ اقدام نوجوانوں میں ڈیجیٹل سیفٹی کے حوالے سے آگاہی بڑھانے کے لیے کیا گیا ہے۔ مقابلے کے تحت، ٹک ٹاک تخلیق کاروں کو 6 مختلف زمرے میں مختصر اور مؤثر ویڈیوز بنانے کی دعوت دے گا۔
سوشل میڈیا کا ذمہ دار استعمال، آن لائن ہراسانی کا مقابلہ، آن لائن دھوکہ دہی کی روک تھام، نوجوانوں کی حفاظت اور بھلائی کو یقینی بنانا، ٹک ٹاک کے حفاظتی آلات کو سمجھنا، اور سوشل میڈیا پلیٹ فارمز پر غلط معلومات کا مقابلہ کرنا۔
اس مقابلے کے ذریعے، ٹک ٹاک اور PTA کا مقصد معلومات کو پھیلانے سے پہلے تصدیق کرنے کے رجحان کو فروغ دینا اور پلیٹ فارم کے صارفین کے درمیان ڈیجیٹل سیفٹی کے پیغامات کا اشتراک کرنا ہے۔
اس مقابلے میں شرکت کر کے، صارفین ذمہ دار آن لائن رویے کے بارے میں آگاہی بڑھانے میں کردار ادا کریں گے اور سب کے لیے ایک محفوظ ڈیجیٹل ماحول تخلیق کرنے میں مدد کریں گے۔
ٹک ٹاک اور PTA کے درمیان یہ شراکت داری پاکستان میں ڈیجیٹل خواندگی اور سلامتی کو بڑھانے کے لیے ایک مشترکہ عزم کی عکاسی کرتی ہے۔
اس ہفتے کے شروع میں، ٹک ٹاک نے پاکستان میں اپنا پہلا تخلیق کاروں کا ایونٹ “ٹک ٹاک ایکسپیرینس” منعقد کیا، جس میں ملک بھر سے مواد تخلیق کرنے والوں اور پبلشرز کو ایک روزہ ایونٹ کے لیے اکٹھا کیا گیا۔
اسلام آباد میں منعقدہ اس ایونٹ میں پینل مباحثے، انٹرایکٹو ورکشاپس، اور مقامی ٹک ٹاک کمیونٹی کو متاثر اور بااختیار بنانے کے لیے سرگرمیاں شامل تھیں۔
ٹک ٹاک نے پاکستان میں 30 ملین سے زائد ویڈیوز ہٹا دیں
اس سے قبل ٹک ٹاک نے 2024 کے دوران پاکستان میں اپنے پلیٹ فارم سے 30.7 ملین سے زائد ویڈیوز ہٹا دی تھیں تاکہ مواد کی نگرانی کو مضبوط کیا جا سکے اور آن لائن محفوظ جگہ کو فروغ دیا جا سکے۔
اس کی دوسری سہ ماہی کی کمیونٹی انفورسمنٹ رپورٹ کے مطابق، ان ویڈیوز میں سے 99.5% کو صارفین کی رپورٹ کرنے سے پہلے ہٹا دیا گیا، جبکہ 97% کو اپ لوڈ کے 24 گھنٹے کے اندر ہٹا دیا گیا۔
عالمی سطح پر، ٹک ٹاک نے اسی مدت میں 178 ملین سے زائد ویڈیوز ہٹا دیں، جن میں سے 144 ملین خودکار نظام کے ذریعے ہٹائی گئیں۔
