اسلام آباد(صباح نیوز)سینیٹ میں مسلم لیگ ن کے پارلیمانی لیڈر سینیٹر عرفان صدیقی نے کہا ہے کہ پی ٹی آئی کا اگلا فیصلہ کیا ہوسکتا ہے اس کی پیشگوئی ہم تو کیا پی ٹی آئی خود بھی نہیں کرسکتی، مجوزہ آئینی ترمیم کے مسودے پروسیع تر اتفاق رائے کے لیے ہر ممکن کوشش کی گئی۔ میڈیا سے گفتگو کرتے ہوئے سینیٹر عرفان صدیقی نے کہا کہ ہم تو کل بھی تیار تھے اور مسودہ تیار تھا لیکن زیادہ سے زیادہ اتفاق رائے کے لیے آخری وقت تک کوششیں جاری رکھیں۔ انہوں نے کہا کہ مولانا فضل الرحمن کی جماعت کا ہمارے ساتھ اتفاق رائے ہے،ان کی مرضی اورخواہش کے مطابق مسودے میں ترمیم کی گئی ہے۔
