اسلام آباد (صباح نیوز) نائب وزیر اعظم اسحاق ڈار نے کہا ہے کہ آئینی ترمیم میں آرٹیکل184 اور ازخود نوٹس والا معاملہ حل ہورہا ہے۔ اسلام آباد میں پارلیمنٹ ہائوس میں میڈیا سے گفتگو کرتے ہوئے اسحاق ڈارکا کہنا تھا کہ26 ویں ترمیم میں 18ویں ترمیم کی کمی بیشی دور کر رہے ہیں۔ ان کا کہنا تھا کہ ایسی چیزیں نہیں ہوتیں کہ19 ویں آئینی ترمیم کو مکمل واپس لیں۔ اسحاق ڈار کا مزید کہنا تھا کہ مولانا فضل الرحمن کی پارٹی کی جانب سے سود، نظریاتی کونسل و دیگر5 ترامیم کی گئیں، جنہیں آئینی ترامیم کے مسودے میں شامل کیا گیا ہے۔
