جدہ سے کراچی آنے والی نجی ائرلائن کی پرواز سے پرندہ ٹکرا گیا

کراچی (اسٹاف رپورٹر) جدہ سے کراچی آنے والی نجی ائر لائن کی پرواز سے لینڈنگ کے دوران پرندہ ٹکرا گیا۔ ایوی ایشن ذرائع کے مطابق نجی ائر کی پرواز پی اے171 جدہ سے کراچی پہنچی تھی کہ کراچی ائر پورٹ پر لینڈنگ اپروچ کے دوران ماڈل کالونی کے قریب رن وے سے کچھ فاصلے پر پرواز سے پرندہ ٹکرا گیا۔ پائلٹ نے ائر ٹریفک کنٹرول کو آگاہ کیا اور طیارے کو باحفاظت اتار لیا۔ ائر پورٹ ذرائع کے مطابق طیارہ اور تمام مسافر محفوظ رہے، واقعے کی مزید تحقیقات کی جا رہی ہیں۔