سکھر (نمائندہ جسارت ) صالح پٹ کے نواحی گاؤں میر حسن خان کھوسو کے رہائشی حضور بخش ملک نے اہل خانہ کے ساتھ بیٹی کو اغوا کرنے کی مبینہ کوشش کرنے والے بھٹ شاہ اور صالح پٹ کے بااثر افراد کے خلاف سکھر پریس کلب کے باہر احتجاج کیا۔ انہوں نے کہا کہ صالح پٹ اور بھٹ شاہ سے تعلق رکھنے والے با اثر افراد نے میری بیٹی امیداں کو گھر سے اغوا کرنے کی کوشش کی۔ انہوں نے اعلیٰ حکام سے مطالبہ کیا کہ ملزمان کے خلاف سخت کارروائی کی جائے اور ہمیں تحفظ اور انصاف فراہم کیا جائے ۔
