ملتان (نمائندہ خصوصی)انگلینڈ کرکٹ ٹیم کے کپتان بین اسٹوکس نے کہا کہ پاکستان کے ا سپنرز نے دوسرے ٹیسٹ میں بہترین کھیل کا مظاہرہ کیا، ہم نے کچھ اہم کیچز بھی ڈراپ کیے، ملتان کی وکٹ بیٹنگ کیلئے آسان نہیں تھی۔ان خیالات کا اظہار انہوں نے گزشتہ روزدوسرے ٹیسٹ میچ میں پاکستان سے ہارنے کے بعد میڈیا سے گفتگو کرتے ہوئے کیا۔بین اسٹوکس نے کہا کہ یہ بہت دلچسپ ٹیسٹ میچ تھا جو استعمال شدہ پیچ پر کھیلا،میچ کے دوسرے دن گیند نے زیادہ ٹرن کرنا شروع کیا،گیم ہے ہوتا ہے کوئی مسئلہ نہیں۔انہوں نے کہا سیریز میں ہر گیم کا نتیجہ نکل رہا ہے ،امید ہے پنڈی میچ کا بھی نتیجہ آئے گا۔ملتان پچ سے متعلق پوچھے گئے سوال کے جواب میں انگلش کپتان نے کہا کہ اس وکٹ پر ڈیفینڈ کرنا مشکل تھا ہم نے سویپ شاٹس کھیلنے کی کوشش کی،ٹاس کا بھی اہم کردار ہوتا ہے، شان مسعود کی خوش قسمتی ہے کہ وہ دونوں مرتبہ ٹاس جیتے، بین ڈکٹ نے پہلی اننگز میں بہت اچھا ہرفارم کیا،برائیڈن کارس اور میتھیو پوٹس نے اچھی بولنگ کی۔
