کراچی (اسٹاف رپورٹر) پی ٹی سی ایل گروپ کو سمینا ٹیلی کمیونی کیشن کونسل کی جانب سے ڈیجیٹل ڈیولپمنٹ میں لیڈرشپ اینڈ ایکسی لینس ایوارڈز (لیڈ) میں بہترین کاروباری حکمت عملی اور توسیع ایوارڈ سے نوازا گیا ہے۔ اس سلسلے میں حاتم بامطرف نے کہا کہ سمینا لیڈ ایوارڈز 2024ء میں پی ٹی سی ایل گروپ کی کامیابی اسٹریٹجک کاروبار کی توسیع کے ذریعے ترقی کو فروغ دینے کے ہمارے عزم کی عکاسی کرتی ہے۔ اس سے نہ صرف ٹیلی کام کے شعبے میں شراکت داری میں ہماری پیش رفت کا اعتراف ہوا ہے بلکہ انتہائی مسابقتی عالمی ٹیلی کام انڈسٹری میں پی ٹی سی ایل کا رہنما کردار بھی مستحکم ہوا ہے۔ یہ بہترین کارکردگی، جدت طرازی اور پورے خطے میں صارفین کو غیر معمولی اطمینان بخش تجربہ فراہم کرنے کے ہمارے عزم کا ثبوت ہے۔
