پشاور( اسپورٹس ڈیسک) پشاور پریس کلب کے زیراہتمام ڈی ایچ اے پشاور اور آر آیم آئی کے تعاون سے منعقدہ میڈیا کرکٹ لیگ میں مزید 3 میچوں کا فیصلہ ہوگیا ، پی پی سی لاینز ، پی پی سی ا سپایڈرز اور پی پی سی سلطان نے کامیابی حاصل کی جمخانہ کرکٹ گرائونڈ پر لیگ کا پہلا میچ پی پی سی لاینزاور پی پی سی یونایٹڈ کے درمیان کھیلا گیا جس پی پی سی لاینز نے پی پی سی یونائٹڈ کو5 وکٹوں سے شکست دی۔ٹاس جیت کر یونایٹڈ نے پہلے بیٹنگ کی اور مقررہ8 اوورز میں63رنز بنائے۔کاشف نے 10 اور شاہد نے 7 رنز بنائے۔قاری ضیاء اور فدا عدیل نے2,2 کھلاڑیوں کو آئوٹ کیا۔حق نواز اور احسان کے حصے میں ایک ،ایک وکٹ آئیی۔جواب میں لاینز نے مطلوبہ ہدف 5 وکٹوں کے نقصان پر حاصل کیا۔حق نواز نے2 چھکوں کی مدد سے 18رنز اسکور کئے اسد نے 2 ہی چھکوں کی مدد سے 17 رنز بنائے۔ہارنے والی ٹیم یونائیٹڈ کی جانب سے واجد نے3 اور شہزادہ فہد نے 2 کھلاڑیوں کو آئوٹ کیا۔حق نواز کو مین آف دی میچ کا ایواڑد دیا گیا۔ اس موقع پر مہمان خصوصی ، خیبریونین کے جنرل سیکرٹری عمران یوسف زئی نے بہترین کارکردگی کا مظاہرہ کرنے والے کھلاڑیوں کو تمغے پہنائے۔دوسرے میچ میں پی پی سی اسپایڈرز نے ٹاس جیت کر پہلے بیٹنگ کی۔اور 6 وکٹوں کے نقصان پر62رنز ا سکور کیے خرم نے2 چوکوں اور 2 چھکوں کی مدد سے 23رنز بنایے ان کے علاوہ اسد نے10 اور ارسلان نے 9رنز بنائے۔وقار احمد نے2 کھلاڑیوں کو آئوٹ کیا۔نعیم ,واحد اور ظفر نے ایک، ایک وکٹ حاصل کی۔جواب میں اسپایڈر نے صرف3 اوورز میں بغیر کسی نقصان کے مطلوبہ ہدف حاصل کیا وقار احمد نے آئوٹ ہوئے بغیر 49رنز بنائے جس میں6 چھکے شامل تھے ظفر نے9 رنز بنائے۔وقار احمد مین آف دی میچ کا ایوارڈ لے اڑے۔اس میچ کے مہمان خصوصی سینئر صحافی شہاب الدین تھے جنہوں نے مین آف دی میچ کو تمغے پہنائے ، میڈیا کرکٹ لیگ کا آخری میچ پی پی سی سلطانز اور پی پی سی ڈولفنز کے درمیان کھیلا گیا۔جس میں ڈولفنز نے پہلے بیٹنگ کی اور6 وکٹوں کے نقصان پر 43رنز بنائے امیر معاویہ نے 13 رنز بنائے سلطانز کی جانب سے ریاض شاہد نے 11 رنز دیکر 3 وکٹیں حاصل کیں۔
