پشاور(ا سپورٹس ڈیسک)حاجی ملک عمرا خان خلیل میموریل وہیل چیئر ٹینس ٹریننگ کیمپ پشاور اسپورٹس کمپلیکس میںاختتام کو پہنچ گئی ایک ماہ طویل کوچنگ کیمپ جو کہ خیبرپختونخوا ٹینس ایسوسی ایشن ،پاکستان ٹینس فیڈریشن کے زیراہتمام اور ITF وہیل چیئر ٹینس ڈیپارٹمنٹ کے پروگرام کی چھتری تلے منعقد کیا گیا، جس میں کے پی کے مختلف حصوں سے وہیل چیئر کھلاڑیوں نے شرکت کی۔اس موقع پر سی ای او باب سلام اورسیز پشاور کینٹ حاجی خان سعید مہمان خصوصی تھے ان کے ہمراہ خیبر پختونخوا اولمپک ایسوسی ایشن کے جنرل سیکرٹری ذوالفقار بٹ،خیبرپختونخوا ویٹ لفٹنگ ایسوسی ایشن کے سیکرٹری جنرل سیکرٹری شیراز محمد خیبرپختونخوا ٹینس ایسوسی ایشن کے نائب صدر ملک عمر ایاز خلیل حاجی خان سمیت دیگر شخصیات موجود تھیں۔ کیمپ میں کھلاڑیوں کو کوالیفائیڈ کوچز انعام اللہ، جہانزیب، شہریار، نعمان اور رومان نے مختلف سیشن میں جسمانی مشقیں اور ٹریننگ دی کیمپ میں انجینئر عرفان ، احسان ، ذاکر،جواد،اکمل،دانش ، سمیع ، تاجمینہ،گل ناز، صفیہ ، سمیت دیگر کھلاڑیوں نے ایک ماہ تک ٹریننگ حآصل کی ۔
