امریکا: سونے کی کان میں پھنس کر ایک سیاح ہلاک‘ 23کو نکال لیا گیا

واشنگٹن (انٹرنیشنل ڈیسک) امریکی ریاست کولوراڈو میں سونے کی کان میں پھنسے 23 سیاحوں کو نکال لیا گیا۔ سیاحوں کا ایک گروپ سیاحتی مقام مولی کیتھلین گولڈ مائن کا دورہ کر رہا تھا کہ لفٹ خراب ہوگئی۔ اطلاع ملتے ہی 2 بچوں سمیت 11 سیاحوں کو فوری ریسکیو کرلیا گیا تھا جب کہ دیگر افراد کو 6 گھنٹے کی محنت کے بعد ایک ہزارفٹ کی گہرائی سے نکالا گیا۔ اس دوران 4 افراد معمولی زخمی ہوئے ہیں جب کہ ایک شخص ہلاک ہوگیا۔