ملتان ٹیسٹ کے تیسرے دن کے کھیل کے اختتام تک انگلینڈ نے پاکستان کے خلاف خود کو مستحکم کرلیا۔
خبر رساں ایجنسی کے مطابق انگلینڈ نے اپنی پہلی اننگز میں 492 رنز بنا لیے اور اس کے 3 کھلاڑی آؤٹ ہوئے ہیں۔ تیسرے دن کے اختتام پر انگلینڈ کے جو روٹ 176 اور ہیری بروک 141 رنزکے ساتھ ناٹ آؤٹ ہیں جب کہ پاکستان کا خسارہ ختم کرنے کے لیے انگلینڈ کو 64 رنز کی ضرورت ہے۔
میچ کے تیسرے روز انگلینڈ نے 96 رنز سے اننگز کا آغاز کیا تو محض 17 رنز کے اضافے پر زیک کرولی 78 کے انفرادی اسکور پر وکٹ گنوا بیٹھے۔ بعدازاں جو روٹ اور بین ڈکٹ نے 136 رنز کی جارحانہ پارٹنرشپ قائم کی تاہم ڈکٹ 84 کے انفرادی اسکور پر آؤٹ ہوگئے۔
پاکستان کی جانب سے شاہین شاہ آفریدی اور عامر جمال نے ایک ایک وکٹ حاصل کی۔
