پاکستان سے3 ٹن چلغوزے کی کھیپ چین پہنچ گئی

اسلام آباد(آن لائن)پاکستان سے3 ٹن چلغوزے کی کھیپ چین پہنچ گئی ،پاکستان دنیا بھر میں چلغوزے پیدا کرنے والا پانچواں بڑا ملک ہے ، چین کے لیے چلغوزے کی درآمد کا سب سے بڑا ذریعہ ہے۔گوادر پرو کو مطابق ایس ایف ایئرلائنز کا مال بردار طیارہ
ایڑو-لاہور بین الاقوامی کارگو روٹ کے ذریعے پاکستان سے درآمد کردہ 3 ٹن پاکستانی چلغوزے لے کر ایڑو ہواہو بین الاقوامی ہوائی اڈے پر پہنچا۔ کسٹم کلیئر کرنے کے بعد، یہ تازہ، اعلیٰ معیار کے چلغوزے ایڑو سے ای ووبھیجے گئے اور پھر پورے چین میں تقسیم کیے گئے۔ بین الاقوامی کارگو روٹ اور موثر لاجسٹک سروسز نے چین اور پاکستان کے درمیان تجارت کو نمایاں طور پر آسان بنایا ہے۔