کراچی (آن لائن) صدر پیپلز پارٹی سندھ نثار کھوڑو کا کہنا ہے کہ بلاول زرداری کا کردار بہت اہم بن چکا ہے، جمہوریت کو برقرار رکھنے کے لیے حکومت کا ساتھ دے رہے ہیں۔ نثار کھوڑو نے میڈیا سے گفتگو کرتے ہوئے کہا کہ بانی پی ٹی آئی کو سزا عدالت نے سنائی ہے تو رہائی کے لیے بھی عدالتوں سے رجوع کریں۔اُنہوں نے کہا کہ ہم ان میں سے نہیں جو ووٹ کی عزت نہیں کرتے، بلاول بھی پارلیمنٹ کو مضبوط کرنے کی بات کر رہے ہیں۔ احتجاج کے نام پر جمہوریت پر حملے کی اجازت نہیں دی جاسکتی۔اُنہوں نے کہا کہ 48 شرائط مان کر جلسہ کی اجازت لی تھی، اسلام آباد آنے پر کسی کو منع نہیں کرسکتے لیکن آخر یہ کر کیا رہے ہیں۔
