ٹھٹھہ (نمائندہ جسارت) گھارو کے نزدیک مین قومی شاہراہ پر تیز رفتار سوزوکی نے موٹر سائیکل کو ٹکر ماردی، 3 سالہ بچی جاں بحق، سوزوکی ڈرائیور گرفتار۔ گھارو کے نزدیک تیز رفتار سوزوکی نے موٹر سائیکل کو ٹکر مارکر 3 سالہ بچی مہناز بابڑو کو کچل دیا جس کے نتیجے میں مہناز موقع پر جاں بحق ہوگئی، بچی کی لاش رورل ہیلتھ سینٹر گھارو منتقل کی گئی جہاں سے ضروری کارروائی کے بعد لاش کو ورثاء کے حوالے کر دیا گیا۔
