اسلام آباد( آن لائن)اسلام آبادہائیکورٹ نے لاپتا 4بھائیوں کے بازیابی کیس میں جڑواں شہروں کے پولیس حکام کو جمعرات کو ذاتی حیثیت میںطلب کرلیاہے۔طلب کیے جانے والے افسران میں ایس ایس پی راولپنڈی اور ایس ایس پی اسلام آباد شامل ہیں، عدالت نے خبردار کرتے ہوئے کہاہے کہ دونوں ایس ایس پیز پیشرفت رپورٹ کے ساتھ پیش ہوں ورنہ وارنٹ گرفتاری جاری ہوںگے۔ عدالت نے وزارت داخلہ اور وزارت دفاع سے بھی مغویوں سے متعلق رپورٹ طلب کی ہے۔چیف جسٹس عامرفاروق نے ریمارکس دیے ہیں کہ ایسا تاثر دیا جارہا ہے کہ جیسے پولیس ملی ہوئی ہے، مغوی کہاں ہیں؟ایس پی کے وارنٹ گرفتاری جاری کر دوں؟۔انہوں نے پولیس پر سخت برہمی کابھی اظہارکیا۔
