لاہور(صباح نیوز) لاہور شہر کے تمام داخلی اور خارجی پوائنٹس ٹریفک کے لئے کھول دیئے گئے۔سی ٹی او کے مطابق لاہور مشرقی بائی پاس بھی ٹریفک کیلئے کھول دیا گیا ۔بابو صابو، ٹھوکر نیاز بیگ، شاہدرہ، سگیاں سمیت تمام داخلی و خارجی راستوں پر ٹریفک رواں دواں ہے۔علاوہ ازیں موٹر وے ایم 2 کو بھی شیخوپورہ تک ٹریفک کے لئے کھول دیا گیا۔لاہور میں امن و امان قائم رکھنے کے لئے رینجرز کو طلب کیا گیا۔ لاہور میں رینجرز کو طلب کیا گیا، طلبی کا مقصد صوبائی دارالحکومت میں امن و امان قائم رکھنا ہے۔جی پی او چوک کے باہر اور کئی دیگر پوائنٹس پر رینجرز موجود ہے۔
