کراچی (اسپورٹس رپورٹر) پاکستان ہاکی ٹیم کے کھلاڑیوں کو ڈومیسٹک کیمپ کا ڈیلی الاؤنس ادا کر دیا گیا۔ ذرائع کے مطابق ایشین چیمپئنز ٹرافی کے کیمپ کے 25 دنوں کا ڈیلی الاؤنس 50ہزارفی کھلاڑی دیا گیا ۔ ذرائع کا کہنا ہے کہ اس سے پہلے کھلاڑیوں کو 3 ہزار روپے ڈیلی الاؤنس دینے کا کہا گیا تھا۔ جس پر ہاکی فیڈریشن کا کہنا ہے کہ 3 ہزار ڈومیسٹک ڈیلی الاؤنس کی پالیسی یکم جنوری 2025 سے لاگو ہوگی۔ ذرائع کا مزید کہنا ہے کہ قومی کھلاڑیوں کا ایشین چیمپئنز ٹرافی کا انٹرنیشنل ڈیلی الاؤنس ابھی واجب الادا ہے، کھلاڑیوں کو 20 ہزار روپے کے حساب سے ڈیلی الاؤنس دیا جائے گا۔ ایشین چیمپئنز ٹرافی ہاکی کے ڈیلی الاؤنس کے 25 روز بنتے ہیں۔35 ہزار روپے ڈیلی الاؤنس کی پالیسی یکم جنوری سے لاگو ہوگی،فیڈریشن حکام کا کہنا ہے کہ کھلاڑیوں کو مطلع کردیا گیا ہے۔ فیڈریشن کا کہنا ہے کہ انٹرنیشنل ڈیلی الاؤنسں کی ادائیگی فنڈز آنے پر کردی جائے گی۔
